Vengriya terma jamoasi yarim himoyachisi va sardori Dominik Soboslai Shotlandiya terma jamoasi bilan Yevro-2024 guruh bosqichi 3-tur uchrashuvi vaqtida shifokorlar ishidan noroziligini bildirdi.
O‘yin davomida vengriyalik futbolchi Barnabas Varga shotlandiyalik darvozabon bilan to‘qnashuv natijasida jiddiy jarohat olgan edi.
“Men tibbiy guruhning protokoli bilan tanish emasman, lekin shifokorlar biror narsa bo‘lganini ko‘rsalar, harakat qilishlari kerak. Bunday masalalarni hal qilish men uchun emas, lekin menimcha, biror narsani o‘zgartirish kerak. Agar kimdir maysada yotgan bo‘lsa va siz hamma narsa jiddiy ekanligini ko‘rsangiz, harakat qiling! Agar hakam sizga ruxsat bermagan bo‘lsa ham. Hech qanday yomon narsa bo‘lmasa, yaxshi, orqaga qayting, muammo yo‘q. Ammo bunday vaziyatlarda soniyalar ko‘p narsani hal qiladi", - deya Soboslaining so‘zlarini keltiradi RMC Sport.
