ОКМК клуби шарафини ҳимоя қилаётган икки нафар футболчи ўзаро ҳамкорликни узоқроқ давом эттириш таклифига розилик билдирди.
Нодирбек Абдураззоқов ҳамда Азиз Холмуродов эндиликда 2027 йил якунига қадар ОКМК шарафини ҳимоя қилади. Клуб 20 ёшли мазкур футболчиларга аввалгисига қараганда яхшироқ шартномалар таклиф қилган. Меҳнат шартномаларига кўра, футболчилар маоши йилдан-йилга кўтарилиб боради.
Клуб, шунингдек, ёзги трансфер олдидан Шоҳрух Абдуҳалилов билан тузилган меҳнат шартномасини бекор қилди. Мазкур футболчи жорий мавсум ОКМК асосий таркибида фақатгина 1 та ўйинда иштирок этган бўлиб, Суперлига 7-тури доирасида кечган "Локомотив"га қарши беллашувнинг 90-дақиқасидан кейин майдонда кўринганди.
