Ҳужумчи Виктор Осимхен ёзги трансфер ойнасида “Наполи”ни тарк этиши мумкин. Неаполликлар клуби Осимхен учун 100 миллион евро атрофидаги таклифларни кўриб чиқишга тайёр.
Бу футболчининг амалдаги шартномасида сотиб олиш варианти сифатида кўрсатилганидан камроқ. Январь ойида Виктор Осимхен ёзги трансфер ойнасида "Наполи"ни тарк этиши мумкинлигига ишора қилганди. Нигериялик ҳужумчи фаолиятини Англия премьер-лигасида давом эттириши мумкинлиги маълум қилинганди.
2023/2024 йилги мавсумда Осимхен 32 та ўйин ўтказиб, 17 та гол урди ва шерикларига 4 та голли узатма берди.
