Hujumchi Viktor Osimxen yozgi transfer oynasida “Napoli”ni tark etishi mumkin. Neapolliklar klubi Osimxen uchun 100 million yevro atrofidagi takliflarni ko‘rib chiqishga tayyor.
Bu futbolchining amaldagi shartnomasida sotib olish varianti sifatida ko‘rsatilganidan kamroq. Yanvar oyida Viktor Osimxen yozgi transfer oynasida "Napoli"ni tark etishi mumkinligiga ishora qilgandi. Nigeriyalik hujumchi faoliyatini Angliya premyer-ligasida davom ettirishi mumkinligi ma’lum qilingandi.
2023/2024 yilgi mavsumda Osimxen 32 ta o‘yin o‘tkazib, 17 ta gol urdi va sheriklariga 4 ta golli uzatma berdi.
