Европа Чемпионатининг "B" гуруҳи 3-турдан ўрин олган ўйинлар 24 июнь, душанба куни бўлиб ўтди.

Хорватия Италияга қарши баҳс олиб борди. Учрашувнинг биринчи бўлимида дарвозалар ишғол этилмади. Иккинчи бўлимни эса фаолроқ бошлаган хорватлар пенальти ишлаб олди. Лука Модрич ушбу пенальтини ноаниқ амалга оширди, бироқ жамоаси ҳужумни давом эттирди ва айнан Лука ўйиндан гол уриб, ҳисобни очди.

Ҳакам қўшиб берган 8-дақиқада эса Закканйи ҳисобни тенглаштирди ва жамоасининг дуранг натижасини таъминлади. Натижада Италия 4 очко билан нимчорак финалга чиқди. 1/8 финалда "Скуадро адзурра"га Швейцария рақиб бўлади. Хорватия эса 2 очко тўплаган ҳолда қолган гуруҳларни кутади. Бу жамоа катта эҳтимол билан Евро-2024 билан хайрлашади.

Гуруҳнинг иккинчи ўйинида Испания Албания устидан кичик ҳисобда ғалаба қозонди. Учрашувдаги ягона гол 13-дақиқада Ферран Торрес томонидан урилди. Испания 9 очко билан гуруҳ ғолибига айланди, Албания 1 очко билан сўнгги поғонада қолди.

Евро-2024, 3-тур
24 июнь, душанба
Хорватия – Италия 1:1
Голлар: 1:0 – 55 Модрич, 1:1 — 90+8 Закканйи.
Хорватия: Ливакович, Станишич, Шутало, Понграчич, Гвардиол, Модрич (Маэр, 80), Ковачич (Иванушес, 70), Брозович, Пашалич (Будимир, 46), Сучич (Перишич, 70), Крамарич.
Италия: Доннарумма, Ди Лоренсо, Дармиан (Закканйи, 81), Бастони, Калафори, Димарко (Кьеза, 57), Жоржиньо (Фажоли, 81), Барелла, Пеллегрини (Фраттези, 46), Распадори (Скамакка, 75), Ретеги.
Огоҳлантиришлар: Сучич (24), Модрич (60), Иванушес (73), Понграчич (78), Станишич (82).

Албания – Испания 0:1
Гол: 0:1 – 13 Ферран Торрес.
Албания: Стракоша, Балиу, Жимшити, Аети, Митай, Лячи (Бериша, 70), Байрамий (Хожа, 70), Рамазоний, Аслани, Асани (Мучи, 81), Манай (Броя, 59).
Испания: Райя, Навас, Лапорт (Ле Норман, 46), Вивиан, Грималдо, Мерино, Олмо (Алекс Баэна, 84), Субименди, Ойарсабаль (Лопес, 62), Ферран Торрес (Ямал, 71), Хоселу (Мората, 72).
Огоҳлантиришлар: Силвиньо (52), Байрами (66), Бериша (89).