Yevropa Chempionatining "B" guruhi 3-turdan o‘rin olgan o‘yinlar 24 iyun, dushanba kuni bo‘lib o‘tdi.

Xorvatiya Italiyaga qarshi bahs olib bordi. Uchrashuvning birinchi bo‘limida darvozalar ishg‘ol etilmadi. Ikkinchi bo‘limni esa faolroq boshlagan xorvatlar penalti ishlab oldi. Luka Modrich ushbu penaltini noaniq amalga oshirdi, biroq jamoasi hujumni davom ettirdi va aynan Luka o‘yindan gol urib, hisobni ochdi.

Hakam qo‘shib bergan 8-daqiqada esa Zakkanyi hisobni tenglashtirdi va jamoasining durang natijasini ta’minladi. Natijada Italiya 4 ochko bilan nimchorak finalga chiqdi. 1/8 finalda "Skuadro adzurra"ga Shveysariya raqib bo‘ladi. Xorvatiya esa 2 ochko to‘plagan holda qolgan guruhlarni kutadi. Bu jamoa katta ehtimol bilan Yevro-2024 bilan xayrlashadi.

Guruhning ikkinchi o‘yinida Ispaniya Albaniya ustidan kichik hisobda g‘alaba qozondi. Uchrashuvdagi yagona gol 13-daqiqada Ferran Torres tomonidan urildi. Ispaniya 9 ochko bilan guruh g‘olibiga aylandi, Albaniya 1 ochko bilan so‘nggi pog‘onada qoldi.

Yevro-2024, 3-tur
24 iyun, dushanba
Xorvatiya – Italiya 1:1
Gollar: 1:0 – 55 Modrich, 1:1 — 90+8 Zakkanyi.
Xorvatiya: Livakovich, Stanishich, Shutalo, Pongrachich, Gvardiol, Modrich (Maer, 80), Kovachich (Ivanushes, 70), Brozovich, Pashalich (Budimir, 46), Suchich (Perishich, 70), Kramarich.
Italiya: Donnarumma, Di Lorenso, Darmian (Zakkanyi, 81), Bastoni, Kalafori, Dimarko (Kyeza, 57), Jorjinyo (Fajoli, 81), Barella, Pellegrini (Frattezi, 46), Raspadori (Skamakka, 75), Retegi.
Ogohlantirishlar: Suchich (24), Modrich (60), Ivanushes (73), Pongrachich (78), Stanishich (82).

Albaniya – Ispaniya 0:1
Gol: 0:1 – 13 Ferran Torres.
Albaniya: Strakosha, Baliu, Jimshiti, AYEti, Mitay, Lyachi (Berisha, 70), Bayramiy (Xoja, 70), Ramazoniy, Aslani, Asani (Muchi, 81), Manay (Broya, 59).
Ispaniya: Rayya, Navas, Laport (Le Norman, 46), Vivian, Grimaldo, Merino, Olmo (Aleks Baena, 84), Subimendi, Oyarsabal (Lopes, 62), Ferran Torres (Yamal, 71), Xoselu (Morata, 72).
Ogohlantirishlar: Silvinyo (52), Bayrami (66), Berisha (89).