Доривал Жуниор Бразилиянинг Америка Кубогида Коста-Рика билан дуранг ўйинига (0:0) баҳо берди.
"Ўйлайманки, биз умуман яхши ўйин ўтказдик. Тўпга кўп эгалик қилдик, қанотларда ҳам, марказ орқали ҳам прессинг қилдик, қаттиқ ўйнадик, яхши вазиятлар яратдик, аммо якунда омадимиз келмади.
Умуман олганда, менимча, ижобий томонлар кўп эди. Аммо биз ғалаба қозониш учун йўллар ва ечимларни топишимиз керак - бу ҳақиқат. Бу йўналишдаги ишлар доимо давом этмоқда, биз ҳамма нарсани яхшилашимиз керак", - деди Бразилия терма жамоаси бош мураббийи.
