Испания терма жамоаси ҳужумчиси Ферран Торрес Евро-2024 гуруҳ босқичи 3-тур учрашувидан сўнг ўз фикрлари билан ўртоқлашди. “Қизил фурия” 1:0 ҳисобида ғалаба қозонди ва Торрес ягона гол муаллифига айланди. Испанлар 9 очко жамғариб, бирорта ҳам гол ўтказиб юбормадилар ва плей-оффга 1-ўриндан ишонч билан киришди.

"Биз феноменал ўйнаяпмиз. Биз бир оиламиз, жуда дўстона. Бу жамоанинг ўзига хос томони шундаки, ҳамма асосий таркибда майдонга чиқишга тайёр. Захирадан майдонга тушган футболчилар ҳам жуда муҳим, чунки ўйинлар охирида кўплаб голлар киритилади. Мураббийга жамоа ҳақида қарор қабул қилиш қийин бўлишини истайман.

Испания либосини кийсам, ўзимни ҳамма учун, оилам ва мени қўллаб-қувватлаётганлар учун ўйнагандек ҳис қиламан. Мен бу либосни кийганимдан фахрланаман", - деди Торрес УЕФА сайтига.