Алан Ширер Англия терма жамоасини танқид қилиш ҳақида гапирди.

Жамоа Евро-2024даги ўйини, айниқса Дания билан 1:1 ҳисобидаги дурангдан сўнг танқид қилинишда давом этмоқда.

"Улар даҳшатли эди ва биз буни айтишимиз керак. Агар Англия ажойиб бўлганида, биз уларни зўр деймиз, бироқ акси бўлса, салбий фикрлар давом этади.

Ўйинчи сифатида сиз доимо майдонга жавоб бериш ҳуқуқига эгасиз. Мен танқидларда ҳеч қандай муаммо кўрмаяпман.

Англия жуда ёмон ўйнади. Ўйлайманки, мамлакатнинг катта қисми ва ҳаттоки жамоадаги футболчилар Данияга қарши ёмон ўйнаганликларини билишади. У ерда деярли ҳеч қандай ижобий нарса бўлмади”, - дейди собиқ англиялик футболчи.