Англия терма жамоаси бош мураббийи Гарет Саутгейт жамоа дуч келадиган барча танқидларни ўз зиммасига олишга тайёр.

“Уч шерлар” гуруҳда биринчи ўриндан Евро-2024 плей-офф босқичига чиқишга муваффақ бўлишди, атрофда эса кескинлик кучайишда давом этмоқда. Мухлислар кўзга кўринмас футбол ва кучсиз ҳужумкор ўйиндан норози.

"Футболчиларга эмас, мухлислар менга нафратларини қаратишларини афзал кўраман. Мен ҳамма нарсани тушунаман, мен бундан қайтмоқчи эмасман. Одамлар мен ҳақимда нима деяётганини тушунаман, лекин мухлислар жамоа билан қолишлари керак", - дейди Саутгейт.