Англия терма жамоаси ҳужумчиси Харри Кейн жамоасининг гуруҳ босқичидаги натижаларини сарҳисоб қилди. Гарет Саутгейт шогирдлари Словения терма жамоаси билан сўнгги тур учрашувида ғалаба қозона олмади – 0:0. Кетма-кет иккинчи хатога қарамай, "уч шерлар" "C" квартетида биринчи ўринни эгаллашга муваффақ бўлишди.
"Турнир бошланишидан олдин мақсадимиз гуруҳда етакчилик қилиш эди ва биз буни уддаладик. Бугунги ўйин қийин кечди. Бизда кўпроқ куч бор эди, тўпни яхшироқ назорат қилдик, аммо бизда шунчаки якуний пас ёки зарба етишмади.
Гуруҳдаги учта ўйин ҳам қийин кечди. Бугун биз бир нечта ярим вазиятлар яратдик, аммо Словения яхши ҳимояланди ва вазифамизни жиддий равишда мураккаблаштирди", - дея Кейн сўзларини келтиради УEФА матбуот хизмати.
