Angliya terma jamoasi hujumchisi Xarri Keyn jamoasining guruh bosqichidagi natijalarini sarhisob qildi. Garet Sautgeyt shogirdlari Sloveniya terma jamoasi bilan so‘nggi tur uchrashuvida g‘alaba qozona olmadi – 0:0. Ketma-ket ikkinchi xatoga qaramay, "uch sherlar" "C" kvartetida birinchi o‘rinni egallashga muvaffaq bo‘lishdi.
"Turnir boshlanishidan oldin maqsadimiz guruhda yetakchilik qilish edi va biz buni uddaladik. Bugungi o‘yin qiyin kechdi. Bizda ko‘proq kuch bor edi, to‘pni yaxshiroq nazorat qildik, ammo bizda shunchaki yakuniy pas yoki zarba yetishmadi.
Guruhdagi uchta o‘yin ham qiyin kechdi. Bugun biz bir nechta yarim vaziyatlar yaratdik, ammo Sloveniya yaxshi himoyalandi va vazifamizni jiddiy ravishda murakkablashtirdi", - deya Keyn so‘zlarini keltiradi UEFA matbuot xizmati.
