Грузия терма жамоаси бош мураббийи Вилли Саньоль Европа чемпионати гуруҳ босқичи 3-тури доирасида Португалия терма жамоасига қарши ўйиндан олдинги умидлари билан ўртоқлашди.
Мутахассис португалияликларнинг фантастик жамоа эканлигини, аммо унинг жамоасида плей-оффга чиқиш учун заррача имконият бўлса, футболчилар охиригача курашишини таъкидлади.
"Бу турнирда иштирок этиш биз учун катта ютуқ. Агар кимдир сўнгги тур олдидан бизда гуруҳдан чиқиш имконияти ҳали ҳам борлигини айтганида, хурсандчилик билан рози бўлардим", деди Саньоль матбуот анжуманида.
