Польша терма жамоаси сардори ва ҳужумчиси Роберт Левандовски Францияга қарши турнир гуруҳ босқичи 3-тур учрашувидаги дурангдан сўнг (1:1) ўз терма жамоаси учун 2024 йилги Европа чемпионати натижалари ҳақида фикр билдирди.

"Бу евро бизга кучлироқ жамоаларга қарши ўйнашда қўрқишнинг ҳожати йўқлигини кўрсатди. Биз муваффақиятга эриша оламиз. Биз Нидерландияга қарши, энди эса Францияга қарши футбол ўйнашга ҳаракат қилдик. Бу келажак учун яхши сабоқ. Франция фаворитлардан бири, шунинг учун биз бу натижани қадрлашимиз керак.

Ўйлашимча, агар Нидерландияга қарши биринчи ўйинда бир очко қўлга киритганимизда, кўпроқ нарсага умид қилишимиз мумкин эди. Аммо, афсуски, иккита мағлубият билан бошладик ва бу ҳал қилувчи омил бўлди. Аммо бугун биз яхши ўйнаганимиздан хурсандман ва бу нафақат Франция билан ўйин бўлгани учун, балки бу ўйин бизни ажойиб қўллаб-қувватлаган мухлисларимизга алоҳида раҳмат", — дея Левандовскининг сўзларини келтиради УEФА матбуот хизмати.

2024 йилги Европа чемпионати гуруҳ босқичининг учта ўйини якунига кўра, Польша терма жамоаси бир очко билан "D" гуруҳида сўнгги ўринни эгаллаб, турнирдаги иштирокини якунлади.