Бельгия терма жамоаси ҳимоячиси Артур Теате Украина терма жамоасига қарши бўлиб ўтадиган Европа чемпионати гуруҳ босқичи 3-тур учрашуви ҳақидаги тахминлари билан ўртоқлашди.

"Ренн" футболчисининг фикрича, бельгияликлар Руминия терма жамоасидан қабул қилинган даҳшатли мағлубият туфайли украиналикларни ёмон жамоа деб ўйламасликлари керак.

"Агар сиз Еврога чиқсангиз, бу ерда ўйнашга лойиқлигингизни исботлаган бўласиз. Бу ерда кучсиз жамоанинг ўзи йўқ.

Биз ўз ишимизни бажаришимиз ва ўз ўйинимизни ўйнашимиз керак", - дея Театенинг сўзларини келтиради Sport.ua.