Мадриднинг "Реал" клуби марказий ҳужумчиси Хоселу Қатар чемпионатида фойдали шартномага эга бўлади, унинг хизматларига "Ал-Гарафа" қизиқиш билдирмоқда.
Todofichajes журналистларининг хабар беришича, "қироллик" клуби раҳбарияти "Эспаньол"дан 34 ёшли ҳужумчини сотиб олади, кейин эса Қатарга сотади.
Хоселу "Ал-Гарафа" билан 2027 йилнинг июн ойи охиригача амал қиладиган уч йиллик меҳнат шартномасини имзолайди. Футболчининг маоши саккиз миллион еврони ташкил қилади, бу унинг "Реал"даги ҳозирги маошидан ўн баробар кўп.
Ўтган мавсумда Хоселу Ла Лигада 34 та ўйинда иштирок этиб, ўнта гол ва иккита голли узатмага муаллифлик қилган.
