Лондоннинг "Челси" клуби “Ньюкасл” ҳужумчиси Александр Исак учун рақобатлаша олмайди. Охирги миш-мишларга кўра, швед "кўклар"нинг трансфер мақсадларидан бирига айланган эди.
Бироқ, 24 ёшли форварднинг нархи бўйича бундай келишувнинг амалга ошиши эҳтимоли жуда паст. Инсайдер Фабрицио Романонинг сўзларига кўра, "Челси" ҳозирда Исакни сотиб олиш устида ишламаяпти, чунки улар унинг нархини жуда юқори деб ҳисоблашмоқда.
"Магпийлар" ҳужумининг етакчиси ўтган мавсум 21 та гол билан Премьер-лигада учинчи тўпурарга айланди.
