"ПСЖ" яна "Манчестер Юнайтед" ҳужумчиси Маркус Рэшфордни сотиб олишни кўриб чиқмоқда. Англиялик футболчига ўтган мавсумда парижликлар қизиқиш билдирганди.
Журналист Бен Жейкобснинг сўзларига кўра, "ПСЖ" яқинда бўлиб ўтган учрашувда "қизил иблислар" билан Рэшфорднинг потенциал трансферини муҳокама қилган, бунда ярим ҳимоячи Мануэль Угартенинг тескари йўналишга ўтиш эҳтимоли ҳам бор эди.
Франция гранди 26 ёшли форвард билан вазиятни кузатишда давом этмоқда. Агар футболчи Парижга ўтиш истагини тўғридан-тўғри билдирса, трансфер бўйича расмий музокаралар бошланиши мумкин.
