"Фенербахче" бош мураббийи Жозе Моуриньо машҳур футболчининг клубдан кетишини маъқуллади. Гап ҳужумчи Эдин Жеко ҳақида кетмоқда.
Fotospor нашри хабарига кўра, 38 ёшли Жеко Моуриньо билан учрашиб, "Хайдук"га ўтишни сўраган. Тажрибали футболчи ватани Босния ва Герцеговинага яқинроқ ўйнамоқчи. Моуриньо унга яшил чироқ ёқди. Эдин Жеко ўтган ёздан бери "Фенербахче"да ўйнаб келаётганди.
Ўшандан бери босниялик футболчи жамоа сафида 46 та расмий ўйин ўтказиб, 25 та гол урган ва шерикларига 10 та голли узатма берган.
Эслатиб ўтамиз, Transfermarkt портали Эдин Жекони 2,7 миллион еврога баҳолаган.
