Лондоннинг "Тоттенхэм" клуби ҳужумкор икки футболчини кузатиб бормоқда. Бу ҳақда журналист Экрем Қўнур хабар бермоқда.
Манбага кўра, "шпорлар" "Астон Вилла"нинг 23 ёшли ҳужумкор ярим ҳимоячиси Жейкоб Рэмзининг хизматларига қизиқиш билдирмоқда. Бундан ташқари, "Тоттенхэм" "Лилл"нинг 24 ёшли ҳужумчиси Жонатан Дэвидга ҳам эътибор қаратмоқда.
Ўтган мавсумда Рэмзи барча турнирларда 21 та ўйинда иштирок этиб, битта гол урди ва иккита голли узатмани амалга оширди. Дэвид сўнгги мавсумда 49та ўйинда майдонга тушиб, 27та гол ва 9та голга ассистентлик қилган. Англия Премьер-лигасининг сўнгги мавсуми якунига кўра, "Тоттенхэм" турнир жадвалида бешинчи ўринни эгаллади.
