Марказий ҳимоячи Ким Мин Чжэ "Бавария"даги дебют мавсумини унча яхши ўтказмади.
Жанубий кореялик футболчи тез-тез танқид қилинди ва ҳатто матбуотда марказий ҳимоячининг бошқа клубга ўтиши мумкинлиги ҳақида миш-мишлар пайдо бўлди. Журналист Кристиан Фалькнинг ёзишича, Мюнхен жамоасининг янги бош мураббийи Венсан Компани Ким билан ҳамкорлик қилмоқчи. "Бавария" раҳбарияти 27 ёшли футболчининг ишончсиз ўйинларига жамоанинг собиқ устози Томас Тухель сабаб бўлган бўлиши мумкин деган хулосага келди. Балки, мураббийлар ўзгаришидан кейин вазият ижобий томонга ўзгариб кетар.
Ким Мин Чжэ ўтган ёзда "Наполи"дан "Бавария"га ўтган эди. Ҳимоячи немис гранди таркибида 36 та ўйин ўтказиб, битта гол ва иккита голли узатмага муаллифлик қилган.
