Лондоннинг “Арсенал” клуби ярим ҳимоячиси Эмиль Смит-Роу клубини ўзгартиришга қарор қилди.
23 ёшли футболчи ўтган мавсумда камдан-кам ҳолатда майдонга тушди, шунинг учун ҳозир у ўзини бошқа жойда синаб кўриш ниятида. Журналист Пит О'Руркнинг ёзишича, англиялик футболчи "Арсенал" раҳбариятини жорий трансфер ойнасида кетиш нияти ҳақида аллақачон маълум қилган. "Астон Вилла", "Кристал Пэлас" ва "Фулхэм" клублари унга қизиқиш билдирмоқда. "Канонирлар" футболчи учун 30 миллион фунт стерлингдан кўпроқ (деярли 35,5 миллион евро) сўрамоқда.
Эмиль Смит Роу "Арсенал"нинг сўнгги мавсумида 19 та ўйинда майдонга тушиб, иккита голли узатмани амалга оширди.
