“Барселона” ва “Милан” клубларининг собиқ ҳужумчиси Кристоф Дюгарри Франция ва Бельгия терма жамоалари ўртасида бўлиб ўтадиган Европа чемпионати 1/8 финали ўйини ҳақида гапирди.

“Бу заиф бельгияликлар учун оғир баҳс бўлади.

Уларга қараш оғриқли эди. Менимча, улар ҳеч қандай кучга эга эмас. Албатта уларда индивидуал кучли футболчилар бор, лекин нимадан қўрқишимиз кераклигини тушунмаяпман. Агар Франция бу бельгияликларни мағлуб эта олмаса, Европа чемпионатида уларга нон йўқ.

Биз кўп йиллардан бери олтин авлод ҳақида гапирамиз. Аммо олтин авлод ўз юришини тўхтатди ва улар ҳеч нарса ютмади.

Уларнинг ўйини менга зерикарли кўринади. Уларда тезлик ҳам, тажовуз ҳам йўқ", - дея Дюгаррининг сўзларини келтирмоқда RMC Sport.