Бразилия терма жамоаси бош мураббийи Доривал Жуниор унинг жамоаси тўғри йўлда эканлигига ишонмоқда.
Бразилияликлар Америка Кубогини ёмон бошлашди, гуруҳ босқичининг биринчи турида Коста-Рика билан дуранг ўйнади. 29 июн куни "пентакампеонлар" уругвайлик рақиблар билан учрашади.
"Албатта, биз биринчи ўйинда бошқача натижа кутгандик, бироқ ўйин мазмунига ҳам қарашимиз керак. Мен қилаётган ишимизга тўлиқ ишонаман. Бизнинг ишимиз эндигина бошланди, аммо ишончим комилки, биз тўғри йўналишда кетяпмиз. Биз хотиржам ва ўзимизга ишончни сақлашимиз керак - агар сиз доимо шубҳа қилсангиз, ҳеч нарсага эриша олмайсиз. Бир кунда жамоа тузиб бўлмайди", - деди Доривал иккинчи давра ўйини арафасида.
