Португалиялик ҳужумчи Криштиану Роналду 2024 йилги Европа чемпионати гуруҳ босқичида ҳаммадан кўра кўп офсайдда қолиб кетди. 39 ёшли ҳужумчи беш марта офсайдда қолган.

Гуруҳ босқичида Португалия термаси иккита ғалабага эришди ва битта мағлубият аламини тотиб кўрди. Роналду гол урмади, фақат битта голли узатмани амалга оширди.

Европа чемпионати 1/8 финали доирасида Роберто Мартинес шогирдлари Словения терма жамоаси билан учрашади. Ўйин 1 июль куни бўлиб ўтади. Евро-2024 Германия футбол майдонларида 14 июндан 14 июлга қадар бўлиб ўтади. Амалдаги чемпион Италия терма жамоаси ҳисобланади.