"Челси" Ромелу Лукаку трансфери учун камида 37 миллион фунт олишни режалаштирмоқда.
Sky Sport Italia хабарига кўра, лондонликлар ҳужумчининг нархини пасайтиришни режалаштирмаяпти ва уни фақат тўлиқ нархга қўйиб юборишга тайёр.
Айни вақтда бельгиялик футболчининг трансферига қизиқаётган «Милан» ва «Наполи» ёзги трансферлар вақтида ҳужумчининг нархи пасайишига умид қилишмоқда. Ҳозирда ҳеч қайси клуб бу суммани тўлашга тайёр эмас.
"Милан" Лукакуни ижарага олиш учун трансфер ойнаси охиригача кутиши мумкин, аммо янги бош мураббий Пауло Фонсека шунча вақт кутишга тайёрми ёки йўқми номаълум.
"Наполи" янги ҳужумчига жой бўшатиш учун ҳали ҳам Виктор Осимҳенни сотиш бўйича қарор қабул қилиши керак.
Ўтган мавсумда 31 ёшли футболчи "Рома"да ижара асосида А Серияда 32 та ўйинда майдонга тушди. Унинг ҳисобида 13 та гол ва 3 та голли узатма бор.
