"Chelsi" Romelu Lukaku transferi uchun kamida 37 million funt olishni rejalashtirmoqda.
Sky Sport Italia xabariga ko‘ra, londonliklar hujumchining narxini pasaytirishni rejalashtirmayapti va uni faqat to‘liq narxga qo‘yib yuborishga tayyor.
Ayni vaqtda belgiyalik futbolchining transferiga qiziqayotgan «Milan» va «Napoli» yozgi transferlar vaqtida hujumchining narxi pasayishiga umid qilishmoqda. Hozirda hech qaysi klub bu summani to‘lashga tayyor emas.
"Milan" Lukakuni ijaraga olish uchun transfer oynasi oxirigacha kutishi mumkin, ammo yangi bosh murabbiy Paulo Fonseka shuncha vaqt kutishga tayyormi yoki yo‘qmi noma’lum.
"Napoli" yangi hujumchiga joy bo‘shatish uchun hali ham Viktor Osimhenni sotish bo‘yicha qaror qabul qilishi kerak.
O‘tgan mavsumda 31 yoshli futbolchi "Roma"da ijara asosida A Seriyada 32 ta o‘yinda maydonga tushdi. Uning hisobida 13 ta gol va 3 ta golli uzatma bor.
