"Эвертон" ярим ҳимоячиси Амаду Онана яна бир топ-клубнинг радарида.
"ПСЖ" президенти Носир Ал-Хелайфий шахсан Бельгия терма жамоаси футболчиси билан шартнома имзолашдан манфаатдор, ярим ҳимоячининг ўзи ҳам Франция чемпионларининг қизиқишидан мамнун, дея хабар беради Djameel. Бироқ клублар ўртасидаги трансфер музокаралари ҳозирча давом этмаяпти.
"ПСЖ" 22 ёшли бельгиялик футболчига ягона даъвогар эмас: миш-мишлар уни "Арсенал", "Бавария", "Барселона" ва "Манчестер Юнайтед"га ўтиши мумкинлиги ҳақида гапирмоқда.
Амаду Онана Transfermarkt томонидан 50 миллион еврога баҳоланган. "ПСЖ"да у ўша "Манчестер Юнайтед"нинг трансфер мақсади бўлган Мануэль Угарте ўрнини эгаллаши мумкин.
