"Бавария" марказий ҳимоячиси Маттейс де Лигт харидорларга кутилганидан ҳам арзонга тушиши мумкин.
Нидерландиялик футболчининг асосий таркибда доимий ўрни йўқ, шу боис мавсум давомида унинг бошқа клубга ўтиши мумкинлиги ОАВда муҳокама қилинганди. 24 ёшли футболчига "Манчестер Юнайтед" қизиқиш билдирмоқда. Журналист Жеймс Дукернинг сўзларига кўра, марказий ҳимоячи икки йил олдин, "Бавария" унинг учун "Ювентус"га 65 миллион фунт стерлинг (75 миллион евро) тўлаганидан анча арзонга тушади.
Маттейс де Лигтнинг мюнхенликлар билан шартномаси 2027 йилгача мўлжалланган. Transfermarkt футболчининг нархини 65 миллион еврога баҳоламоқда.
