Рафаэль Варан "Манчестер Юнайтед"ни тарк этганидан сўнг Италия А Сериясида ўзини синаб кўришга тайёр.

Бир неча кун олдин маълум бўлишича, "Комо" французни ўз сафига жалб қилмоқчи. Журналист Фабрицио Романонинг янгиланган маълумотларига кўра, А Сериянинг янги вакили Варанни эркин агент сифатида қўлга киритиш устида фаол ишламоқда. 31 ёшли футболчи тез орада Италияга бориб, шартнома шартларини муҳокама қилади ва мураббий Сеск Фабрегас билан шахсан гаплашади.

Рафаэль Варан ўтган мавсумда "Манчестер Юнайтед" сафида 31 та ўйин ўтказиб, битта гол урган. Мавсум якунларига кўра, “қизил иблислар” раҳбарияти футболчи билан янги шартнома имзоламасликка қарор қилди.