“Женоа” ҳужумчиси Альберт Гудмундссон фаолиятини “Интер”да давом эттириши мумкин.

Исландиялик футболчи А Сериянинг 35 та учрашувида 14 та гол урди ва 4 та голли узатмани амалга оширди. Инсайдер Альфредо Педулланинг сўзларига кўра, “Интер” “Женоа” етакчисига жиддий даъвогарлик қилмоқда ва у учун бонусларни ҳисобга олмаганда, тахминан 25 миллион евро таклиф қилишга тайёр. Бироқ, аввалига, “нерадзуррилар” ўзининг бир қанча ўйинчилари – масалан, Марко Арнаутович ва Хоакин Корреа билан хайрлашишига тўғри келади.

Альберт Гудмундссонга "Милан", "Ювентус" ва "Наполи" ҳам қизиқиш билдираётгани ҳақида хабарлар тарқалган эди.