“Jenoa” hujumchisi Albert Gudmundsson faoliyatini “Inter”da davom ettirishi mumkin.
Islandiyalik futbolchi A Seriyaning 35 ta uchrashuvida 14 ta gol urdi va 4 ta golli uzatmani amalga oshirdi. Insayder Alfredo Pedullaning so‘zlariga ko‘ra, “Inter” “Jenoa” yetakchisiga jiddiy da’vogarlik qilmoqda va u uchun bonuslarni hisobga olmaganda, taxminan 25 million yevro taklif qilishga tayyor. Biroq, avvaliga, “neradzurrilar” o‘zining bir qancha o‘yinchilari – masalan, Marko Arnautovich va Xoakin Korrea bilan xayrlashishiga to‘g‘ri keladi.
Albert Gudmundssonga "Milan", "Yuventus" va "Napoli" ham qiziqish bildirayotgani haqida xabarlar tarqalgan edi.
