"Фенербахче" бош мураббийи Жозе Моуриньо А Серияда ўз жамоасини кучайтирадиган футболчи топди.

Португалиялик мураббий "Ювентус" ярим ҳимоячиси Уэстон Маккенни билан шартнома имзоланиши ҳақида маълумот сўради, у ёзда туринликлар томонидан қўйиб юборилиши мумкин, дея хабар беради журналист Альфредо Педулла. Битим нархи бонусларни ҳисобга олмаганда 14-15 миллион еврога баҳоланмоқда. "Фенербахче" ҳали америкалик учун расмий музокараларни бошламаган.

Аввалроқ, "Ювентус"нинг янги бош мураббийи Тьяго Мотта Маккеннини режаларига киритмагани ҳақида хабар берилганди. 25 ёшли ярим ҳимоячининг “кекса синьора” билан шартномаси келаси ёзда якунига етади.