"Реал"нинг 25 ёшли дарвозабони Андрей Лунин "Лос-Бланкос" билан 2025 йилнинг ёзида якунига етадиган шартномасини узайтирмасликка қарор қилди. Бу ҳақда Marca хабар бермоқда.

Манба берган хабарга кўра, "Реал" украиналик дарвозабон ўзи иштирок этмаган Чемпионлар лигаси финалидан кейин ҳам жамоани ўзгартирмоқчи эканини тушунган. Шу билан бирга, Мадрид клуби Лунин шартномаси тугагунига қадар жамоани тарк этмаслик истагини билдирмоқда.

Эслатиб ўтамиз, ўтган мавсумда Лунин барча турнирларда 32та ўйинда қатнашган ва шундан 12тасида ўз дарвозаси дахлсизлигини сақлаб қолган. Transfermarkt порталида берилган маълумотларга кўра, футболчининг бозор қиймати 25 миллион еврони ташкил қилади.