"Real"ning 25 yoshli darvozaboni Andrey Lunin "Los-Blankos" bilan 2025 yilning yozida yakuniga yetadigan shartnomasini uzaytirmaslikka qaror qildi. Bu haqda Marca xabar bermoqda.
Manba bergan xabarga ko‘ra, "Real" ukrainalik darvozabon o‘zi ishtirok etmagan Chempionlar ligasi finalidan keyin ham jamoani o‘zgartirmoqchi ekanini tushungan. Shu bilan birga, Madrid klubi Lunin shartnomasi tugaguniga qadar jamoani tark etmaslik istagini bildirmoqda.
Eslatib o‘tamiz, o‘tgan mavsumda Lunin barcha turnirlarda 32ta o‘yinda qatnashgan va shundan 12tasida o‘z darvozasi daxlsizligini saqlab qolgan. Transfermarkt portalida berilgan ma’lumotlarga ko‘ra, futbolchining bozor qiymati 25 million yevroni tashkil qiladi.
