"РБ Лейпциг" ярим ҳимоячиси Дани Ольмога Европанинг топ клублари қизиқиш билдирмоқда. Аввалроқ, матбуот 26 ёшли Ольмонинг 60 миллион евролик шартномасидаги сотиб олиш варианти фақат июль ойи ўрталарига қадар амал қилиши ҳақида ёзган эди. Журналист Филипп Хинценинг сўзларига кўра, "РБ Лейпциг" ушбу муддатдан кейин ҳам Ольмонинг трансфери бўйича музокараларга тайёр бўлади.
Шу билан бирга, Дани Ольмонинг ўзи ҳам янги чақириқларга очиқлиги қайд этилган. Шу билан бирга, футболчи “РБ Лейпциг”да ўзини қулай ҳис қилмоқда.
2023/2024 йилги мавсумда Дани Ольмо 27 та ўйинда майдонга тушиб, 8 та гол урди ва шерикларига 6 та голли узатма берди.
