Премьер-лига вакили Лондоннинг «Брентфорд» клуби ўз тарихидаги энг қиммат трансферини тайёрламоқда. "The Athletic" хабарига кўра, «арилар» «Лидс»нинг 18 ёшли марказий ярим ҳимоячиси Арчи Грей учун 41,5 миллион евро сарфлайди.

Қайд этилишича, яқин орада футболчининг трансфери бўйича келишув барча томонлар томонидан якунланади. Аввалроқ, миш-мишлар 18 ёшли ярим ҳимоячини «Ливерпуль» ва Лондоннинг «Челси» клублари билан боғлаганди.

Эслатиб ўтамиз, «Лидс» ўтган мавсум якунида Премьер-лигага чиқа олмади.