Швейцария терма жамоаси вингери Рубен Варгас жамоанинг 2024 йилги Европа чемпионати чорак финалига чиққани ҳақидаги таассуротлари билан ўртоқлашди.
1/8 финалда швейцарияликлар Италия термасини мағлуб этишди (2:0). Варгас 71 дақиқани майдонда ўтказди, гол урди, голли узатмани амалга оширди ва учрашувнинг энг яхши футболчиси деб топилди.
“Биз энг зўр жамоалар билан курашишга қодир эканимизни аввал ҳам кўрсатгандик. Биз мақтовларга аҳамият бермаймиз. Биз ўзимизнинг қанчалик яхши эканимизни аллақачон биламиз", - дея Варгаснинг сўзларини келтиради УЕФА матбуот хизмати.
