Украина терма жамоасининг 25 ёшли дарвозабони Андрей Лунин ва Хорватия терма жамоаси ярим ҳимоячиси Лука Модрич келаси ой ўрталарида "Реал Мадрид" лагерига етиб боришлари кутилмоқда.
Лунин узоқ дам олмайди ва мавсумолди машғулотларини бошлаш учун июль ойи ўрталарига қадар Мадрид клубига келиши керак. Бу Хорватия терма жамоаси ярим ҳимоячиси Лука Модричга ҳам тегишли. Бу ҳақда AS ёзади.
Галактикос фақат Европа чемпионати ёки Америка кубоги ярим финалига чиққан ўйинчиларга қўшимча дам беради. Хабарингиз бор, Украина ва Хорватия терма жамоалари Евро-2024 гуруҳ босқичидан ўта олишмади.
"Лос-Бланкос" бош мураббийи Карло Анчелотти, Лунин ва Модрич бошқа мадридликлар қатори жамоа билан АҚШга гастрол сафарига жўнаб кетишларини кутмоқда ва у ерда "Реал Мадрид" синов ўйинлари ўтказади.
Эслатиб ўтамиз, аввалроқ Лунин шу ёзда "Реал"ни тарк этиши мумкинлиги хабар қилинганди.
