Милан Шкриньяр Евро-2024нинг 1/8 финалида Словакиянинг Англияга қарши мағлубияти (қўшимча вақт 1:2) ҳақида фикр билдирди.
Инглизлар асосий вақтда 95-дақиқада Жуд Беллингемнинг голи эвазига ҳисобни тенглаштиришди.
"Сўз топиш қийин, барчамиз жуда хафамиз. Кейинги босқичга жуда яқин қолгандик. Агар биз Словакияни шу тариқа ҳимоя қилишда давом этсак, балки олдинда бунданда ҳам яхши кунлар кутиб турибди. Англияда сифатли ўйинчилар бор ва улар бизга босим ўтказишди, кейин бирдан Беллингем гол урди.
Сўнгги дақиқада гол ўтказиб юборганимиз жуда ачинарли. Ғалабага 30 сония қолган бўлса керак. Лекин мен бутун жамоа билан фахрланаман. Бу ажойиб ижро. Мухлисларга ҳам раҳмат айтмоқчиман.
Биз Словакия терма жамоаси тарихини қайта ёзишга тайёр эдик, аммо, афсуски, ҳаммаси бошқача кетди. Умид қиламанки, бугундан кейин янада кучлироқ қайтамиз", - деди Словакия сардори.
