Ушбу ҳафтада Олий лиганинг 5-тур ўйинлари бўлиб ўтади.

Мазкур турда "лочинлар" Зарафшонга сафар уюштириб, "Қизилқум" меҳмони бўлади. Айни дамда ушбу жамоалар Олий лига аутсайдерлари бўлиб турибди. "Қизилқум"нинг "Навбаҳор"дан алоҳида бир жиҳати - бу унинг ҳали очко ололмаганлигидадир.

Ўтган ҳафтада "Қизилқум" бош мураббийи Равшан Ҳайдаров жамоани тарк этганди. Унинг ўрнига авваллари "Навбаҳор"да дуэт мураббий сифатида ишлаган Рустам Забиров ва Элдор Сакаевлар таклиф этилди. Ўз вақтида ушбу мураббийлар "Қизилқум"да ҳам ишлашганди.

Ортда қолган тўрт учрашувда мазкур жамоалар ўз мухлисларини хушнуд эта олишмаяпти. Фақатгина "Навбаҳор" ўтган турда яхши ўйин кўрсатиб, ўзига келиб олгандек бўлди. Мухлислар эса "лочинлар"нинг мавсумдаги дастлабки ғалабасини Навоийда қўлга киритишини жуда исташмоқда. Лекин ҳозиргача ғалаба қозониш тугул, очко ҳам ола билмаган "Қизилқум" осонликча таслим бўлмайди. Устига-устак, янги мураббийлар илк учрашувда ғалаба қозонишни мақсад қилишган.

Сўнгги ўзаро ўйинларда дуранг кўп қайд этилмоқда. Балки, бу галги тўқнашувда ҳам муросага келинар? Хуллас, олдинда бизни қизиқарли учрашув кутиб турибди.

Ҳозиргача жамоалар лигада 26 марта тўқнаш келишган бўлиб, шундан 8 та учрашувда "Навбаҳор", 7 тасида эса "Қизилқум" зафар қучган. Қолган 11 та ўйинда эса муроса йўли танланган. Тўплар нисбати 34-27, "Навбаҳор" фойдасига.

14 апрель, якшанба
«Қизилқум» (Зарафшон) – «Навбаҳор» (Наманган)
Ҳакамлар: М. Муҳамедов (Тошкент вилояти), В. Лушин (Гулистон), О. Дачев (Тошкент), Ш. Рўзикулов (Қарши).
Назоратчи: Г. Имомов (Тошкент).

ЎЗАРО ЎЙИНЛАР НАТИЖАЛАРИ

2000 йил
"Навбаҳор" - "Қизилқум" - 1:2
"Қизилқум" - "Навбаҳор" - 0:2
2001 йил
"Навбаҳор" - "Қизилқум" - 1:0
"Қизилқум" - "Навбаҳор" - 3:1
2002 йил
"Навбаҳор" - "Қизилқум" - 4:0
"Қизилқум" - "Навбаҳор" - 1:1
2003 йил
"Навбаҳор" - "Қизилқум" - 2:2
"Қизилқум" - "Навбаҳор" - 0:2
2004 йил
"Навбаҳор" - "Қизилқум" - 5:2
"Қизилқум" - "Навбаҳор" - 2:2
2005 йил
"Қизилқум" - "Навбаҳор" - 1:0
"Навбаҳор" - "Қизилқум" - 2:1
2006 йил
"Навбаҳор" - "Қизилқум" - 1:1
"Қизилқум" - "Навбаҳор" - 3:0
2007 йил
"Навбаҳор" - "Қизилқум" - 1:2
"Қизилқум" - "Навбаҳор" - 0:1
2008 йил
"Навбаҳор" - "Қизилқум" - 1:1
"Қизилқум" - "Навбаҳор" - 1:1
2009 йил
"Навбаҳор" - "Қизилқум" - 1:1
"Қизилқум" - "Навбаҳор" - 1:0
2010 йил
"Қизилқум" - "Навбаҳор" - 1:0
"Навбаҳор" - "Қизилқум" - 1:1
2011 йил
"Қизилқум" - "Навбаҳор" - 0:0
"Навбаҳор" - "Қизилқум" - 3:0
2012 йил
"Навбаҳор" - "Қизилқум" - 0:0
"Қизилқум" - "Навбаҳор" - 1:1