Нидерландия терма жамоаси бош мураббийи Рональд Куман Евро-2024 1/8 финалида Руминияга қарши бўлиб ўтадиган ўйиндан олдинги фикрлари билан ўртоқлашди.
"Биз фахрли халқмиз. Биз ғалаба қозонишни ва яхши футбол ўйнашни яхши кўрамиз. Биламизки, бу ҳар доим ҳам натижа беравермайди, лекин биз Руминияни жуда жиддий қабул қиламиз. Биз улардан нима кутиш кераклигини ва охирги ўйинга нисбатан нимани яхшилашимиз кераклигини биламиз.
Биз жамоани янада барқарор қилиш, очиқ майдонларни қолдирмаслик ва яхшироқ прессинг қилишга эътибор қаратдик. Австрияга қарши ўйинда салмоқли ўйнадик. Бу уларга ишонч бағишлади, аммо бизда бунинг акси бўлди.
Руминиядан ниҳоятда тажовузкор ўйин кутаман. Улар ҳимояда жисмонан кучли ва белгиланган тўпларда хавфли", - деди Куман УЕФА расмий сайтига.
Руминия - Нидерландия учрашуви 2 июль куни Мюнхенда бўлиб ўтади ва Тошкент вақти билан соат 21:00да бошланади.
