Niderlandiya terma jamoasi bosh murabbiyi Ronald Kuman Yevro-2024 1/8 finalida Ruminiyaga qarshi bo‘lib o‘tadigan o‘yindan oldingi fikrlari bilan o‘rtoqlashdi.

"Biz faxrli xalqmiz. Biz g‘alaba qozonishni va yaxshi futbol o‘ynashni yaxshi ko‘ramiz. Bilamizki, bu har doim ham natija beravermaydi, lekin biz Ruminiyani juda jiddiy qabul qilamiz. Biz ulardan nima kutish kerakligini va oxirgi o‘yinga nisbatan nimani yaxshilashimiz kerakligini bilamiz.

Biz jamoani yanada barqaror qilish, ochiq maydonlarni qoldirmaslik va yaxshiroq pressing qilishga e’tibor qaratdik. Avstriyaga qarshi o‘yinda salmoqli o‘ynadik. Bu ularga ishonch bag‘ishladi, ammo bizda buning aksi bo‘ldi.

Ruminiyadan nihoyatda tajovuzkor o‘yin kutaman. Ular himoyada jismonan kuchli va belgilangan to‘plarda xavfli", - dedi Kuman UYEFA rasmiy saytiga.

Ruminiya - Niderlandiya uchrashuvi 2 iyul kuni Myunxenda bo‘lib o‘tadi va Toshkent vaqti bilan soat 21:00da boshlanadi.