Франциянинг "Лилль" клуби марказий ҳимоячиси Лени Йоро яна бир мавсум ўз клубида қолиш имкониятини истисно этмаяпти.
Эслатиб ўтамиз, унинг шартномаси бир йилдан кейин тугайди.
Журналист Марио Кортехананинг фикрича, агар клуб ушбу трансфер ойнасида уни "Реал"га сотишдан бош тортса, Йоро "Лилль" борасида қарор қабул қилади.
Ҳимоячи "Сантьяго Бернабеу"га текинга ўтиш учун яна бир йил кутади. Манбага кўра, "Лилль" катта босимни ҳис қилмоқда, чунки клуб 18 ёшли футболчини бир йилдан сўнг текинга йўқотишни истамайди. Йоро бошқа жамоалар учун ҳам қизиқ лекин ҳимоячи фақат "Реал"га ўтмоқчи.
