Мадриднинг “Реал” клуби марказий ҳужумчиси Альваро Родригес фаолиятини бошқа испан клубида давом эттириши мумкин. Бу ҳақда Todofichajes портали хабар бермоқда.
Манбага кўра, 19 ёшли уругвайлик футболчининг хизматларига "Хетафе" қизиқмоқда. Трансфер жорий трансфер ойнасида амалга оширилиши мумкин. Родригеснинг трансфер нархи 3,5 миллион еврога баҳоланмоқда.
Альваро ва "Қироллик клуби" ўртасидаги амалдаги шартнома 2027 йилнинг июнь ойи охиригача амал қилади. 2023/2024 йилги мавсумда ҳужумчи "Реал Мадрид"нинг иккинчи жамоасида ўйнаган. Алваро 11 учрашувда қатнашиб, 6 та гол урган.
