"Вест Хэм" техник директори Тим Штайдтен ўз клуби мухлисларига ёзги трансферлар борасидаги режаларини баён қилди.
"Вест Хэм" шу ёз бошида "Палмейрас"дан 25,5 миллион фунт стерлинг эвазига қанот ҳимоячиси Луис Гильермени олиб келган муҳим шартномани амалга оширди, аммо бу ҳали бошланиши.
"Вест Хэм" молиявий фэйр-плей қоидалари остида эмас ва ўтган ёзда Деклан Райсни "Арсенал"га сотишдан тушган 105 миллион фунт стерлингни ҳали тўлиқ сарфламаган, шунинг учун Штайдтен "болғачилар"нинг янги бош мураббийи Хулен Лопетеги билан яқиндан ҳамкорлик қилишни режалаштирмоқда.
"Раҳбарият ва хўжайинлар сўнгги бир неча йил ичида яхши иш қилди. Мен сизга аниқ позициялар ёки ўйинчиларнинг исмларини айта олмайман, аммо бу барчамиз учун шов-шувли ёз бўлиши аниқ.
Жамоа таркиби ҳақида гап кетганда, Хулен билан муносабатим катта аҳамиятга эга, биз деярли ҳар куни гаплашамиз, айниқса биз излаётган профиллар ҳақида", - деди Штейдтен Daily Mail билан суҳбатда.
