Каталониянинг «Барселона» клуби «Барса Б» аъзоси Микаил Файени сотмоқчи эмас.
Инсайдер Роджер Торелло хабарига кўра, келгуси мавсумда Файе «Барcелона»нинг асосий жамоаси таркибида бўлади. Бу ҳақда клуб футболчини хабардор қилган.
Клубнинг молиявий қийинчиликларига қарамай, на Деку, на Ханси Флик сенегаллик билан хайрлашишни истамайди.
Иккаласи ҳам Файени катта салоҳиятга эга футболчи сифатида кўради. Немис мураббийига Файенинг услуби ёқади. У марказий ҳимоячи сифатида ўйнашдан ташқари, чап қанот ҳимоячиси сифатида ҳам яхши ўйнай олади.
Аввалроқ «Порту» сенегаллик футболчини қўлга киритиш ниятида эканлиги хабар қилинганди.
