Kataloniyaning «Barselona» klubi «Barsa B» a’zosi Mikail Fayeni sotmoqchi emas.

Insayder Rodjer Torello xabariga ko‘ra, kelgusi mavsumda Faye «Barcelona»ning asosiy jamoasi tarkibida bo‘ladi. Bu haqda klub futbolchini xabardor qilgan.

Klubning moliyaviy qiyinchiliklariga qaramay, na Deku, na Xansi Flik senegallik bilan xayrlashishni istamaydi.

Ikkalasi ham Fayeni katta salohiyatga ega futbolchi sifatida ko‘radi. Nemis murabbiyiga Fayening uslubi yoqadi. U markaziy himoyachi sifatida o‘ynashdan tashqari, chap qanot himoyachisi sifatida ham yaxshi o‘ynay oladi.

Avvalroq «Portu» senegallik futbolchini qo‘lga kiritish niyatida ekanligi xabar qilingandi.