"Челси"нинг янги футболчиси Кирнан Дьюсбери-Холл жамоа бош мураббийи Энцо Мареска ҳақида гапирди.
Ҳар иккиси ҳам шу ёзда "Лестер"дан Лондон клубига кўчиб ўтди.
"У ажойиб мураббий. У ўтган мавсумда "Лестер"нинг ўйин услубини бутунлай ўзгартирди ва бу иш берди. Мен унинг услубига ошиқ бўлдим ва биламанки, "Лестер"нинг бошқа кўплаб футболчилари ҳам шундай қилишган", - деди Кирнан Дьюсбери-Холл "кўклар" матбуот хизматига.
Эслатиб ўтамиз, Англия Премьер-лигасининг сўнгги мавсумида "Челси" 38 учрашувда 63 очко жамғариб, турнир жадвалида олтинчи ўринни эгаллади.
