Германия терма жамоаси ярим ҳимоячиси Илкай Гюндоган Испания терма жамоаси билан Европа чемпионати чорак финал учрашувидан олдин фикрлари билан ўртоқлашди. Учрашув 5 июль, жума куни бўлиб ўтади.
“Бу, албатта, тенг кучлилар ўйини бўлади. Ўйлайманки, бу икки жамоа турнирда энг яхши футбол намойиш этмоқда. Иккала жамоа ҳам тўпга эгалик қилишни хоҳлайди ва бу ишни жуда кўп қилади.
Ўйлайманки, асосийси тўп бизда бўлмаган пайтларда биз ёки улар қандай муносабатда бўлиши. Ким ваҳимага тушмаса, ўзини хотиржам тутади ва тўпни қайтариб олиш ва ундан унумли фойдаланиш имкониятини хотиржамлик билан кутади", - дея Гюндоганнинг сўзларини келтиради УЕФА расмий сайти.
